७५ व्या वर्षीही सिनेमांत वेगवेगळ्या भूमिका साकारून प्रेक्षकांचं मन जिंकणारे बॉलिवूडचे महानायक अमिताभ बच्चन यांनी अजून एक रेकॉर्ड केला आहे. सोशल मीडियावर सर्वात जास्त सक्रिय असणाऱ्या शहेनशहा अमिताभ यांच्या फॉलोवर्सची यादी वाढतच चालली आहे. फेसबुक, ट्विटर आणि इन्स्टाग्रामवर या तीनही सोशल साईटवर बिग बींचा जलवा पाहायला मिळतो. नुकतेच फेसबुकवर ३ कोटी फॉलोवर्सचा आकडा पार केला आहे.
बच्चन यांच्या फेसबुकवर ३ कोटींहून अधिक फॉलोवर्स असल्याची माहिती बिग बींनी स्वतः फेसबुकवर दिलीये. अमिताभ यांनी काही मजेशीर फोटोंसह २००७ मध्ये त्यांनी जी पोस्ट केली होती ती शेअर करत म्हटले की, ‘फेसबुकवर ३ कोटी फॉलोवर्स, तुम्ही सगळ्यांनी मला जे प्रेम दिलं आहे त्यासाठी मनःपूर्वक आभार.’
