रंगभूमीच्या गालावर उमटणार गोड ‘खळी’…! 

– राज चिंचणकर 
       मराठी रंगभूमीवर विविध विषयांचे प्रतिबिंब पडत असतानाच, रंगभूमीच्या गालावर आता चक्क गोड ‘खळी’ उमटणार आहे. ‘नाट्यमंदार’ आणि ‘विप्रा क्रिएशन्स’ या दोन संस्था ‘खळी’ हे नवीन नाटक घेऊन रंगभूमीवर येत आहेत. या नाटकाचे लेखन व दिग्दर्शन शिरीष लाटकर यांनी केले आहे. संदेश जाधव, पल्लवी सुभाष व नेहा अष्टपुत्रे हे कलाकार या नाटकात भूमिका रंगवत आहेत. १५ डिसेंबर रोजी या नाटकाचा शुभारंभ मुंबईच्या दीनानाथ नाट्यगृहात होणार आहे.
IMG_0547
       ‘खळी’ या नाटकाचे लेखक व दिग्दर्शक शिरीष लाटकर म्हणतात, आतापर्यंत मी खूप लेखन केले आहे; पण ‘खळी’ या नाटकाच्या निमित्ताने मी प्रथमच एखाद्या नाटकाचे दिग्दर्शन करत आहे. प्रत्येकाच्या गालावर खळी उमटेल असा हा विषय आहे. वयाच्या पस्तिसाव्या वर्षानंतर एकाच्या आयुष्यात प्रेम ही भावना निर्माण होते आणि त्यावर हे नाटक आधारित आहे. वेगवेगळ्या स्वभावाची माणसे कशी एकत्र येऊ शकतात हे या नाटकात दिसते. एक गोड प्रेमकहाणी यात मांडली आहे.
       बऱ्याच वर्षांनंतर नाटकात येणारी पल्लवी सुभाष म्हणते, या नाटकाची स्क्रिप्ट वाचल्यानंतर मी स्क्रिप्टच्या प्रेमातच पडले. शिरीष लाटकर यांचे दिग्दर्शक म्हणून हे पहिलेच नाटक आहे आणि त्याचा मी भाग आहे हे मला सुखावणारे आहे. या नाटकात मी ‘उपासना’ हे पात्र करत आहे. ही उपासना थोडीफार माझ्यासारखीच आहे. आम्ही या नाटकासाठी खूप मेहनत घेत आहोत आणि सर्वांना हे नाटक आवडेल याची आम्हाला खात्री आहे.
       आतापर्यंत महाराष्ट्राने मला इन्स्पेक्टरच्या भूमिकेत अनेकवेळा पाहिले आहे. त्यामुळे जेव्हा हे नाटक माझ्याकडे आले, तेव्हा मला खरंच आनंद झाला. कारण यातली माझी भूमिका खूप वेगळी आहे. अशाप्रकारचे नाटक मी प्रथमच करत आहे. हे लेखन मला खूप आवडले. यातले प्रत्येक पात्र आपापल्या कोशात अडकले आहे. यातले माझे पात्र मात्र सकारात्मक आहे, असे संदेश जाधव त्यांच्या भूमिकेविषयी सांगतात.
       ‘खळी’ हे माझे पहिलेच व्यावसायिक नाटक आहे. जेव्हा शिरीष लाटकर यांनी मला या नाटकासाठी मला विचारले तेव्हा मी नाही म्हणण्याचा प्रश्नच नव्हता. एका खूप छान नाटकात काम करण्याची मला संधी मिळाली आहे. जे साधे असते ते खास असते, अशाप्रकारची भावना या नाटकातून समोर येते. या नाटकात मी ‘चिंगी’ हे पात्र रंगवत आहे. हे नाटक अजून आम्हाला खुलवता येईल असे वाटते, अशी भूमिका नेहा अष्टपुत्रे मांडते.
       या नाटकाचे अजून एक वैशिष्ट्य म्हणजे या नाटकासाठी एक खास गाणे केले गेले आहे. बीना सातोस्कर यांनी हे गाणे लिहिले असून, केतन पटवर्धन यांने त्याला संगीत दिले आहे. स्वरांगी मराठे हिच्यासह केतन पटवर्धन याने हे गाणे गायले आहे. माझ्यासाठी हा एक वेगळा अनुभव होता. नाटकासाठी केलेले हे माझे पहिलेच गाणे आहे. चांगले शब्द फार कमी वेळा गायला मिळतात, पण हे गाणे कंपोज करताना मला आल्हाददायक अनुभव येत गेला, असे केतन पटवर्धन म्हणतो.
       मी खरं तर शास्त्रीय संगीत शिकत आहे आणि या नाटकाचे वेगळ्या प्रकारचे असे हे गाणे मी पहिल्यांदाच गायले आहे. शास्त्रीय संगीतापेक्षा काहीतरी वेगळे मला यात करायला मिळाले, असे स्वरांगी मराठे या गाण्याविषयी सांगते.
       या नाटकाचे नेपथ्य संदेश बेंद्रे यांचे असून, शीतल तळपदे यांनी प्रकाशयोजना केली आहे. महेश नाईक यांचे पार्श्वसंगीत या नाटकाला आहे. मिताली शिंदे यांनी वेशभूषेची; तर दत्ता भाटकर यांनी रंगभूषेची जबाबदारी या नाटकासाठी सांभाळली आहे. ‘नाट्यमंदार’चे मंदार शिंदे; तसेच ‘विप्रा क्रिएशन्स’च्या संध्या रोठे व प्रांजली मते हे या नाटकाचे निर्माते आहेत.

तब्बल ५० वर्षांनंतर वाजणार ‘पाऊल’…! 

 

– राज चिंचणकर
       ज्येष्ठ नाटककार विश्राम बेडेकर यांचे ‘वाजे पाऊल आपुले’ हे  नाटक सत्तरच्या दशकात रंगभूमीवर आले आणि ते थेट रसिकांच्या मनात जाऊन रुतले. पण नंतरच्या काळात हे नाटक तसे विस्मरणात गेले होते. मात्र, १९६७ मध्ये रंगभूमीवर गाजलेले हे नाटक, तब्बल अर्धशतकानंतर मुंबई मराठी साहित्य संघाची नाट्यशाखा पुन्हा रंगभूमीवर साकारत आहे.
Jayant Savarkar
       ज्येष्ठ रंगकर्मी व अखिल भारतीय मराठी नाट्य संमेलनाचे माजी अध्यक्ष जयंत सावरकर यांनी या नाटकाची धुरा आता हाती घेतली आहे. १९६७ मध्ये विश्राम बेडेकर व दामू केंकरे यांच्यामुळे खऱ्या अर्थाने या नाटकाची निर्मिती झाली. मधल्या काळात काहीजणांनी हे नाटक करण्याचा प्रयत्न केला; परंतु तो यशस्वी झाला नाही. विश्राम बेडेकर यांच्या हाताखाली मी काम केले आहे आणि त्यामुळे हे नाटक करताना मला खूप उपयोग झाला, असे मत जयंत सावरकर याविषयी बोलताना मांडतात.
       या नाटकासोबतच विश्राम बेडेकर यांच्या ‘टिळक आणि आगरकर’ या नाटकाच्या अभिवाचनाचा संकल्पही मुंबई मराठी साहित्य संघाने केला आहे. युवा रंगकर्मी कौस्तुभ सावरकर याच्या दिग्दर्शनाखाली व कर्जत येथील ‘नाट्यरंग’ या संस्थेच्या सहकार्याने या अभिवाचनाचे प्रयोग होणार आहेत.

तेरा दिवस प्रेमाचे’ नाटक २५ व्या प्रयोगाच्या उंबरठयावर…! 

TDP 9
– राज चिंचणकर
       गंभीर विषयाचा विनोदी ढंग, अशा पठडीत फिट्ट बसणाऱ्या ‘तेरा दिवस प्रेमाचे’ या नाटकाची रंगभूमीवर घौडदौड सुरु असून, आता हे नाटक २५ व्या प्रयोगाच्या उंबरठ्यावर येऊन पोहोचले आहे. शुभारंभाचे सलग सहा दिवस प्रयोग रंगवलेल्या या नाटकाने मुंबई, पुणे, सोलापूर, अमरावती, नाशिक आदी ठिकाणी पोहोचत महाराष्ट्राचा दौरा धडाक्यात सुरु केला आहे.
       आनंद म्हसवेकर लिखित व शिरीष राणे दिग्दर्शित या नाटकाची निर्मिती अनुराधा सामंत यांनी केली आहे. ज्येष्ठ रंगकर्मी अरुण नलावडे यांच्यासह माधवी दाभोळकर, शर्वरी गायकवाड, देवेश काळे, संजय देशपांडे, सुचित ठाकूर व नीता दिवेकर हे कलाकार या नाटकात भूमिका साकारत आहेत.

सुशांत-आस्ताद ची जोडी पुन्हा एकत्र

2अभिनेता सुशांत शेलार आणि आस्ताद काळे यांची घनिष्ठ मैत्री ‘बिग बॉस’ कार्यक्रमात सगळ्यांनीच बघितली. आपल्या बेधडक व स्पष्ट वक्तेपणामुळे ‘बिग बॉस’ कार्यक्रम गाजवल्यानंतर हे दोघेजण पुन्हा एकत्र येत आपला नवा अंदाज प्रेक्षकांना दाखवायला सज्ज झाले आहेत. रंगनील निर्मित ‘MR & MRS लांडगे’ या आगामी नव्या नाटकातून ही जोडी प्रेक्षकांच्या भेटीला येणार आहे. शनिवारी १३ ऑक्टोबरला दुपारी ४.३० वा. या नाटकाचा शुभारंभ वाशीच्या विष्णुदास भावे सभागृहात होणार आहे.

आपल्या या नव्या नाट्यकृतीबद्दल बोलताना हे दोघं सांगतात की, ‘MR & MRS लांडगे’ या नाटकाच्या निमित्ताने आम्हाला पुन्हा एकत्र येण्याची संधी मिळाली. वयाचं भान विसरायला लावणारी ही बेभान कॉमेडी निखळ आनंदासोबतच आमच्या भन्नाटट्यूनिंगची ट्रीट ही प्रेक्षकांना देईल असा विश्वास हे दोघेजण व्यक्त करतात.

सुशांत आणि आस्ताद यांसोबत या नाटकात राजेश भोसले, परी तेलंग, मधुरा देशपांडे, रमा रानडे, अमर कुलकर्णी, अलका परब यांच्या भूमिका आहेत. कल्पना विलास कोठारी या नाटकाच्या निर्मात्या आहेत. लेखन सुरेश जयराम तर दिग्दर्शन विजय केंकरे यांचे आहे. 

१३ ऑक्टोबरला हे नाटक रंगमंचावर येतेय.

नाटक – चि सौ कां रंगभूमी ‘मर्म बंधातली ठेव’

  रंगभूमी, रसिकांची आवडती, आपलासा वाटणारा रंगमंच, त्यावर रसिकांसाठी सादर केलेलं रसिकांना अर्पण केलेली कलाकृती, जिवंत नाट्यमयता आणि उर्जा देणारी कला, म्हणजे “ नाटक “ ह्या नाटकाच्या इतिहासात अनेक बदल झाले. प्रयोगाचे विविध रूपाने सादरीकरण केले गेले, संगीत आणि गद्य नाटके या रंगभूमीवर आली, त्यातील काही सुवर्ण कृतीने नटलेली पाने नाट्यसंपदा कलामंच या लोकप्रिय नाट्य संस्थेने चि सौ कां रंगभूमी या नाटकातून उलगडून दाखवलेली आहेत.

IMG_20180828_184748_911

     चि सौ कां रंगभूमी हिचे लग्न रसिकराज याच्याशी लागते आणि त्यांचा रंगभूमीवरील संसाराला सुरवात होते, रंगभूमी विविध रंगांची चैतन्य देणारी सात पावले चालून माप ओलांडून घरात येते आणि संगीत आणि गद्य रूपाने नाट्यमय प्रसंगाला सुरवात होते, नांदी ते भैरवी चा सुरमय तसेच विविध प्रसंगाने आणि भिन्न-भिन्न रसानी युक्त असलेला प्रवास अनुभवयाला मिळणार आहे. हे सारे रंगतदारपणे, अभ्यासपूर्ण रीतीने सर्वच कलाकारांनी सादर केला आहे. रंगभूमीचा इतिहास उलगडत जाताना रसिक त्यामध्ये रंगून जातो. संगीत नाटकात स्वयंवर, मानापमान, कुलवधू, शारदा, संशयकल्लोळ, जय जय गौरीशंकर, अश्या गाजलेल्या नाटकातील लोकप्रिय पदांचा खुबीने वापर करून ती विलक्षण उर्जेने सादर केली आहेत. ह्या नाट्य गीतांना संगीत साथ ऑर्गनवर केदार भागवत आणि तबल्यावर सुहास चितळे यांची उत्तम लाभली आहे. त्याच प्रमाणे एकच प्याला, तो मी नव्हेच, फुलराणी, नटसम्राट, हमीदाबाईची कोठी, अश्या नाटकामधील प्रवेशांचे रंगतदारपणे सादरीकरण केल आहे. एक प्रसन्न आनंददायी सोहळाच आपणासमोर साकारला आहे.

      चि सौ कां रंगभूमी आणि रसिकराज यांच्या संसाराची मांडणी, त्यामधील असणारे रुसवे-फुगवे, सांभाळत जीवनातील गमतीजमतीची कोडी सोडवत सर्वकाही सुरेलपणे खुलवले आहे.

      संपदा जोगळेकर कुलकर्णी यांनी रंगभूमी / फुलराणी ची भूमिका तसेच राहुल मेहेंदळे यांनी रसिकराज, लखोबा लोखंडे, नटसम्राट ची भूमिका योग्य ते बेअरिंग सांभाळून केली आहे. ह्या शिवाय नचिकेत लेले चा बालगंधर्व, केतकी चैतन्य ची कृतिका / सईदा , शमिका भिडे ची मैना, शर्वरी कुलकर्णी ची नवी रंगभूमी, अमोल कुलकर्णी चा तळीराम, अवधूत गांधी चा नारद, यांच्याही भूमिका त्यांनी मनापासून केल्या आहेत. तसेच सुयोग्य अश्या वेशभूषेची जबाबदारी  नीता पणशीकर यांनी सांभाळलेली आहे.  सचिन गावकर यांनी उभारलेल नेपथ्य हे सुद्धा एक भूमिकाच करीत आहे असे जाणवते, त्याला अनुसरून शीतल तळपदे यांनी प्रकाश योजना साकारलेली आहे ती सुद्धा परिणाम साधून जाते.

      हा रंगभूमीचा प्रवास उलगडत असतांना काही सोनेरी पानांचे दर्शन संगीत आणि गद्य च्या रूपाने विलक्षण उर्जेने सादर केला आहे असे म्हणायला हवे. एक सुरेल संगीतमय नाटक पाहिल्याचे समाधान मिळेल.

दीनानाथ घारपुरे

इंजिनिअरिंगमधून अभिनयाच्या दुनियेत…! 

– राज चिंचणकर
       चित्रपट, नाटक किंवा मालिका क्षेत्रात जम बसवण्यासाठी कुणीतरी गॉडफादर हवा असतो असे म्हटले जात असले, तरी त्याला अपवाद हे असू शकतात. सध्या रंगभूमीवर धडाक्यात सुरु असलेल्या ‘तेरा दिवस प्रेमाचे’ या नाटकातली युवा अभिनेत्री शर्वरी गायकवाड हिच्या बाबतीत ते खरे  ठरले आहे. शर्वरी ही इंजिनिअरिंगच्या शिक्षणात रमलेली असली, तरी तिला अभिनयाचीही आवड होती. पण त्यासाठी विशेष काही करावे असे तिला वाटले नाही. इंजिनिअरिंगला जाण्यापूर्वी ती रुईया कॉलेजात शिकत होती आणि तिथे ती नाट्यक्षेत्राकडे ओढली गेली. इंजिनिअरिंग कॉलेजात तिने काही कार्यक्रमांच्या माध्यमातून अभिनय केला. याच कालावधीत तिच्याकडे चित्रपटांच्या ऑफर्स आल्या. दोन-तीन चित्रपटांत तिने अभिनयही केला सुद्धा; आणि अशातच ‘तेरा दिवस प्रेमाचे’ या नाटकासाठी तिला विचारणा झाली. तिने होकार दिला आणि सध्या या नाटकात तिने स्वतःला पूर्णतः झोकून दिले आहे. इंजिनिअरिंगमधून रंगभूमीवर दाखल झालेल्या शर्वरीला आता अभिनय क्षेत्रातच करिअर करायचे, असे तिने पक्के ठरवले आहे.
Sharvari Gaikwad

परीक्षण – “दिनूच्या सासूबाई राधाबाई ” असा दिनू अशी सासू ..

IMG_8065.JPGराठी रंगभूमीवर विनोदी नाटके सतत येत आहेतविनोदी नाटकातून करमणूक करीत प्रबोधन सुद्धा केलं जाते हे आपणास नाकारता येत नाहीविनोदी नाटकामध्ये ” फार्स ” हा सर्वसाधारणपणे १९६० च्या सुमारास बबन प्रभू आणि आत्माराम भेंडे यांनी रंगभूमीवर सादर केलात्यावेळी बबन प्रभू लिखित ” झोपी गेलेला जागा झाला ” आणि ” दिनूच्या सासूबाई राधाबाई ” हे दोन फार्स सादर केले होते त्याकाळी ते खूप गाजले होतेआजच्या घडीला वेद प्रोडक्शन ने सादर केलेला आणि विश्वस्मे प्रोडक्शन ची निर्मिती असलेला ” दिनूच्या सासूबाई राधाबाई ” हे नाटक रंगमंचावर धमाल करीत आहे.

दिनू नाडकर्णी यांच्या घरात हि कथा घडतेदिनूची सासू राधाबाई हि एक इरसाल,भांडण करण्यात पटाईत अशी असून तिचे पती कनैह्या हे दोघे चार महिन्यासाठी दिनूच्या कडे राहायला आलेले असतातदिनूच्या घरी त्याचा मेव्हणा रवी हा राहायला आलेला असतोत्याची एक भानगड असतेत्याने हिरा नावाच्या मुलीबरोबर दोन वर्षांपूर्वी लग्न केलेलं असते त्याला एक बाळ सुद्धा असतेदिनूची बायको मीना हि सुस्वभावी पण तिची बहीण प्रीती हिला अभिनेत्री बनायचे असते त्यासाठी मेनकादेवी ह्या अभिनेत्री ला आमंत्रण दिलेले असतेत्यामध्ये रवीहिरा ह्यांचे लग्न झालेलं आहे कोणालाच माहित नसल्याने घोटाळेगैरसमज वाढत असतातसासऱ्याने दिनूकडे आणलेला ऑर्गन दुरुस्ती करण्यासाठी दिनूच्या मित्राने डॉ नाय ने पुढाकार घेतलेला असतोत्यातून अनेक गैरसमज वाढत जातातहे नेमके काय काय घडत असते ते मी सांगणार नाहीतुम्हीच अनुभव घ्या.

सासू राधाबाई ची भूमिका नयना आपटे यांनी रंगतदार केली आहेदिनूच्या भूमिकेत संतोष पवार आणि डॉ नाय च्या भूमिकेत विनय येडेकर मजा आणतातत्यांना साथ इरावती लागू मेनका देवी }, दीपश्री कवळे हिरा }, रोनक शिंदे रवी }, ऋतुंभरा माने प्रीती }. वैभवी देऊलकरधुरी मीना यांनी साथ दिली आहेपळापळधावपळसमजगैरसमज ह्यातून हे नाटक फुलत असले तरी नाटकाचा पहिला अंक हा बराच लांबलेला जाणवतोपण दुसरा अंक प्रेक्षकांची पकड घेतोसंतोष पवार यांनी आजच्या काळाला अनुसरून काही योग्य ते बदल करून नाटक दिगदर्शित केलं आहे  संतोष पवार विनय येडेकर यांच्या अभिनयाच्या जुगलबंदी बरोबरच संपूर्ण नाटकात नयना आपटे यांनी रंगवलेली सासूबाई राधाबाई लक्षांत राहतातपळापळधावपळसमजगैरसमज इत्यादींनी नाटक रंगतदार बनले आहेपूर्वी बबन प्रभू आत्माराम भेंडे यांचा विनोद वेगळ्या धाटणीचा होतासंवादफेक आणि विनोदाचे अचूक टायमिंग हि खास असायचीआता संतोष पवार विनय येडेकर यांनी तो बाज आणण्याचा प्रयत्न चांगला केला आहेनेपथ्य प्रकाश योजना योग्य अशी असून संगीत सुद्धा चांगले आहे.

एकंदरीत दिनूची कमाल आणि सासूची धमाल असे हे नाटक आहे.

 

दीनानाथ घारपुरे

सलग ६ दिवस रंगणार शुभारंभाचे प्रयोग :  ‘तेरा दिवस प्रेमाचे’…

– राज चिंचणकर
         ‘तेरा दिवस प्रेमाचे’ या नव्याकोऱ्या नाटकाच्या निमित्ताने मराठी रंगभूमीवर शुभारंभाच्या सलग सहा दिवसांच्या प्रयोगांचा योग जुळून आला आहे.
नाटककार आनंद म्हसवेकर लिखित व शिरीष राणे दिग्दर्शित हे नाटक १६ ऑगस्ट रोजी रंगभूमीवर येत आहे. या दिवशी रात्री ८ वाजता शिवाजी मंदिर येथे या नाटकाचा शुभारंभ झाल्यावर सावित्रीबाई फुले नाट्यगृह (१७ ऑगस्ट), गडकरी रंगायतन (१८ ऑगस्ट), कालिदास नाट्यगृह (१९ ऑगस्ट), प्रबोधनकार ठाकरे नाटयगृह (२० ऑगस्ट) आणि २१ ऑगस्ट रोजी पुन्हा शिवाजी मंदिर असे हे सहा दिवस सलग प्रयोग रंगणार आहेत.
Tera Divas Premache (2)

       आनंद म्हसवेकर यांचे हे २२ वे व्यावसायिक नाटक आहे. या नाटकाचे वैशिष्ट्य म्हणजे, एक गंभीर विषय त्यांनी विनोदी पद्धतीने या नाटकात मांडला आहे. या नाटकाच्या निमित्ताने ज्येष्ठ अभिनेते अरुण नलावडे पुन्हा एकदा रंगभूमीवर येत आहेत. अरुण नलावडे यांच्यासह माधवी दाभोळकर, संजय क्षेमकल्याणी, शर्वरी गायकवाड, मेघना साने, देवेश काळे व संजय देशपांडे हे कलाकार या नाटकात भूमिका साकारत आहेत.

       ‘प्रयोग फॅक्टरी’ निर्मित व ‘जिव्हाळा’ प्रकाशित या नाटकाच्या निर्मात्या अनुराधा सामंत या आहेत. संदेश बेंद्रे यांनी या नाटकाच्या नेपथ्याची जबाबदारी सांभाळली आहे. मयुरेश माडगांवकर यांचे पार्श्वसंगीत; तर विनय आनंद यांची प्रकाशयोजना आहे. कार्यकारी निर्माता म्हणून विनय म्हसवेकर हे काम पाहात आहेत.

‘सविता दामोदर परांजपे’ नाटक आता मोठया पडद्यावर…!  

– राज चिंचणकर

       मराठी रंगभूमीवर सातत्याने येणाऱ्या नाटकांतून कायम लक्षात राहू शकतील अशी नाटके मोजकी असतात. १९८५ मध्ये रंगभूमीवर आलेले सविता दामोदर परांजपे’ हे नाटक त्यातल्या आगळ्या विषयामुळे रसिकांच्या मनात कायमस्वरूपी ठसा उमटवून गेले. याच नाटकाचे आता माध्यमांतर होत असून, हे नाटक ३१ ऑगस्ट रोजी मोठया पडद्यावर येत आहे.

 SDP

       शेखर ताम्हाणे यांच्या सविता दामोदर परांजपे’ या नाटकाने त्यावेळी रंगभूमीवर राज्य केले होते. राजन ताम्हाणे आणि रीमा यांच्या प्रमुख भूमिका या नाटकात होत्या. संहिता, अभिनय, दिग्दर्शन व पार्श्वसंगीताच्या माध्यमातून रसिकांच्या मनाचा थरकाप उडवण्याचे काम या नाटकाने केले होते. हा सगळा अनुभव आजच्या पिढीला थेट मोठ्या पडद्यावर घेता येणार आहे. 

       विशेष म्हणजे, यासाठी कुणी मराठी व्यक्ती नव्हे; तर बॉलीवूड अभिनेता जॉन अब्राहम पुढे सरसावला असून, त्याने या चित्रपटाची निर्मिती केली आहे. या चित्रपटाचे दिग्दर्शन स्वप्ना वाघमारे-जोशी यांनी केले असून सुबोध भावे, तृप्ती तोरडमल, राकेश बापट आदी कलावंतांच्या यात भूमिका आहेत.

              या नाटकाचे मूळ लेखक शेखर ताम्हाणे या माध्यमांतराविषयी म्हणतात, एखादा विषय मुळातून कळणे महत्त्वाचे असते. माझ्या या नाटकाच्या विषयावर एखादा चित्रपट होईल, इतकी त्याची खोली नक्कीच आहे. पण हा विषय मुळातून कळणे फार महत्त्वाचे आहे. असा विषय एखाद्या कलाकृतीत हाताळणे, ही तारेवरची कसरत असते. स्वप्ना वाघमारे-जोशी यांना मात्र हा विषय अचूक समजला आहे आणि तो त्यांनी या चित्रपटात व्यवस्थित मांडला असेल याची खात्री आहे.

सचिननी ३८ वेळा पाहिले ‘दिनूच्या सासूबाई’ हे नाटक..

DSR25‘फार्ससम्राट’ बबन प्रभू यांच्या रंगभूमीवर नव्याने आलेल्या ‘दिनूच्या सासूबाई राधाबाई’ या नाटकाने अल्पावधीतच २५ प्रयोगांचा टप्पा पार केला आहे. गेली चार दशके रंगभूमीवर हे नाटक गाजत आहे. १९७३ मध्ये प्रथम हे नाटक रंगभूमीवर सादर झाले होते. नव्या संचात हे नाटक रंगभूमीवर सादर होत असून, विनोदाचा बादशहा संतोष पवार याने या नाटकाचे दिग्दर्शन केले आहे.

       या नाटकाच्या रौप्यमहोत्सवी प्रयोगाला ज्येष्ठ अभिनेते व दिग्दर्शक सचिन पिळगावकर प्रमुख पाहुणे म्हणून उपस्थित होते. यावेळी संवाद साधताना त्यांनी या नाटकाच्या नव्या टीमचे कौतुक केले. माझ्या अतिशय आवडत्या नाटकांत ‘दिनूच्या सासूबाई राधाबाई’ हे नाटक वरच्या स्थानावर आहे. जेव्हा आत्माराम भेंडे हे नाटक करायचे; तेव्हा शिवाजी मंदिरात मी हे नाटक ३८ वेळा पाहिले आहे. आज नव्या संचातला या नाटकाचा प्रयोग पाहण्याचा मला योग आला. हा प्रयोग या मंडळींनी यशस्वी करून दाखवला आहे, असे गौरवोद्गार सचिन पिळगावकर यांनी यावेळी काढले.
       या प्रयोगाला सचिन पिळगावकर हे त्यांच्या मातोश्री व भगिनीसह उपस्थित होते. नाटकाच्या टीमविषयी बोलताना सचिन पिळगावकर म्हणाले, संतोष पवार हा माझ्या खूप जवळचा आहे. तो जेव्हा काही नवीन करतो; तेव्हा ते मी पाहण्याचा आवर्जून प्रयत्न करत असतो. विनय येडेकर हा माझा जुना मित्र आहे. आम्ही बऱ्याच चित्रपटांतून एकत्र काम केले आहे. नयना आपटे यांचा तर मी खूप चाहता आहे. त्यांच्याबद्दल बोलावे तेवढे थोडेच ठरेल. सचिन पिळगावकर पुढे म्हणाले, या नाटकाच्या ५० व्या प्रयोगालाही मी आवर्जून येणार आहे आणि त्यावेळी माझ्यासोबत सुप्रिया व श्रिया या दोघी असतील, असा शब्द या नाटकाच्या टीमला दिला.
– राज चिंचणकर

Create a website or blog at WordPress.com

Up ↑