कार्यक्रमाच्या घोषणेपासूनच या कार्यक्रमामध्ये कोण कोण असेल, कोण याचे सूत्रसंचालन करेल आणि मुख्य म्हणजे पहिल्या पर्वाचा विजेता कोण असेल याची उत्सुकता शिगेला पोहचली होती. महाराष्ट्राच्या लाडक्या वाहिनीने बिग बॉस या कार्यक्रमाचे मराठमोळ रूपं प्रेक्षकांच्या भेटीस आणले. या पर्वाला प्रेक्षकांनी उदंड प्रतिसाद दिला, भरपूर प्रेमं दिले. कार्यक्रम सुरु होताच प्रत्येक सदस्याने प्रेक्षकांची मने जिंकण्यास, त्यांच्या मनामध्ये एक विशेष स्थान मिळविण्यास सुरुवात केली. प्रत्येक घरात, देशाच्या कानाकोपरामध्ये फक्त बिग बॉस मराठीची चर्चा रंगत गेली. आपल्या अस्सल मराठमोळ्या बिग बॉस पहिल्या सिझनमध्ये सदस्य १०० दिवसं अनेक कॅमेरांच्या नजरकैदेत राहिली. बिग बॉस मराठीच्या पहिल्या पर्वाचा महाअंतिम सोहळा नुकताच लोणावळा येथे पार पाडला. स्पर्धक आणि प्रेक्षक सगळ्यांनाच माहिती होते विजेता कोणी एकच असणार आहे. आणि शेवटी तो क्षण आला ज्याची वाट संपूर्ण महाराष्ट्र पहात होता, महाराष्ट्राला बिग बॉस मराठीच्या पहिल्या पर्वाचा विजेता मिळाला. मेघा धाडे ठरली बिग बॉस मराठीच्या पहिल्या पर्वाची विजेती तर पुष्कर जोगने पटकावले दुसरे स्थान. मेघा धाडेला १८ लाख ६० हजार इतकी धनराशी मिळाली आणि खोपोली येथे Nirvana Leisure Realty सिटी ऑफ म्युझिक कडून एक घर.

बिग बॉस मराठीच्या घराने पहिल्या दिवसापासून अनेक नाती बनताना बघितली, तर जसे दिवस सरत गेले ती नाती बदलताना, बिघडताना,त्यांच्यामध्ये कटुता येताना बघितले. पण या प्रवासात खुर्ची सम्राट या टास्कमुळे घरामध्ये दोन ग्रुप झाले, त्यानंतर एक ग्रुप शेवट पर्यंत टिकला तर दुसऱ्या ग्रुपला गळती लागली. या घरामध्ये पुरूषांनी कधी दादागिरी केली पण या घरातल्या मुली सगळ्यांना पुरून उरल्या. बिग बॉस मराठीचे घर प्रत्येक सदस्याच्या मागे भक्कमपणे उभे राहिले. या घराने आऊची माया अनुभवली,थत्तेची थत्तेगिरी प्रेक्षकांना खूप आवडली, सुशांतच रडण पाहिलं, मेघाच या घरावरच आणि कार्यक्रमावरच, किचनवरच प्रेम पाहिलं आणि तिची बडबड देखील ऐकली. तसेच राजेशचा अज्ञातव्यास पाहिला, जुईची चीडचीड आणि तक्रारी ऐकल्या, पुष्कर आणि सईची मैत्री पाहिली, पुष्करची टास्क दरम्यानची जिद्द बघितली आणि बघता बघता १८ सदस्यांचा प्रवास ६ जणांवर येऊन पोहचला. 

 बिग बॉस मराठीच्या घरामध्ये आज देखील रंगणार “मस्ती कि पाठशाला” हे कार्य. ज्यामध्ये काल सई आणि आस्ताद शिक्षकाच्या भूमिकेत दिसले. आज देखील हा टास्क घरामध्ये खेळला जाणार आहे. अंदाजे तीन महिने एकत्र राहिल्यानंतर प्रत्येकजण एकमेकांकडून काहीना काही शिकले आहेत. बिग बॉस मराठीच्या घरामध्ये सदस्यांनी शाळे सारख्या अनेक गोष्टी शिकल्या. शाळा म्हंटल कि,वर्गामध्ये दबदबा असलेला monitor, पहिल्या बाकावर बसणारी हुशार मुलं, शेवटच्या बेंचवर बसणारी दंगा घालणारी मुलं, असे नानाविध प्रकारचे विद्यार्थी असतात. या टास्कमध्ये काही सदस्य विद्यार्थी तर काही सदस्य शिक्षक बनले आहेत. काल सदस्यांनी बरीच धम्माल मस्ती केली आणि आज देखील करणार आहेत हे नक्की. सई आणि आस्ताद काल शिक्षक बनले होते. आज या टास्कमध्ये घरातील सदस्य काय मज्जा मस्ती करणार…

आज टास्कमध्ये मेघा आणि शर्मिष्ठा शिक्षिका आणि पुष्कर शिक्षक बनणार आहेत. या एका वेगळ्याप्रकारच्या टास्कमुळे सदस्यांना देखील मज्जा येत आहे. हा टास्क करत असताना सगळ्याच सदस्यांना शाळेची आठवण येत असणार हे निश्चित. आज मेघा शिक्षिका असताना विद्यार्थी बनलेले सदस्य मेघाला बरीच दमछाक करायला लावणार आहेत. शिक्षिका बनलेल्या मेघाला थोडासा त्रास देण्यासाठी सगळे विद्यार्थी बाथरूम मध्ये गेले असता मेघा त्यांना तिथेच बंद करणार आहे. मेघा शिक्षिका असताना मुलांनी तिच्या वर्गात बराच दंगा केला आणि तो आज प्रेक्षकांना बघायला मिळणार असून तो बघताना त्यांना बरीच मज्जा देखील येणार आहे. तसेच शर्मिष्ठाच्या वर्गामध्ये सगळे त्यांना आवडणारे चित्र काढणार आहेत. तसेच आज पुष्कर देखील शिक्षकाच्या भूमिकेत दिसणार आहे. 

आज बिग बॉस मराठीच्या घरामध्ये रंगणार एक अनोखा टास्क. अंदाजे तीन महिने एकत्र राहिल्यानंतर प्रत्येकजण एकमेकांकडून काहीना काही शिकले आहेत. बिग बॉस मराठीच्या घरामध्ये सदस्यांनी शाळे सारख्या अनेक गोष्टी शिकल्या. शाळा म्हंटल कि, वर्गामध्ये दबदबा असलेलाmonitor, पहिल्या बाकावर बसणारी हुशार मुलं, शेवटच्या बेंचवर बसणारी दंगा घालणारी मुलं, असे नानाविध प्रकारचे विद्यार्थी असतात. आज बिग बॉस घरातील सदस्यांना “मस्ती कि पाठशाला” हे कार्य सोपवणार आहेत. या टास्कमध्ये काही सदस्य विद्यार्थी तर काही सदस्य शिक्षक बनणार आहेत. या टास्कमध्ये सदस्य बरीच धम्माल मस्ती करणार आहेत हे नक्की. सई आणि आस्ताद बनणार शिक्षक. तेंव्हा तुम्ही पण हा टास्क बघायला विसरू नका.

काल बिग बॉस मराठीच्या WEEKEND चा डाव मध्ये महेश मांजरेकर यांनी प्रत्येक सदस्याला त्याला सोडून एका सदस्याला निवडायचे होते ज्या सदस्याला ती व्यक्ती त्याच्यासोबत अंतिम सोहळ्यामध्ये बघायची इच्छा आहे. शर्मिष्ठाने मेघा तर मेघाने शर्मिष्ठाला, आस्तादने स्मिताला,स्मिताने रेशमला, रेशमने शर्मिष्ठाचे नाव घेतले. तर सईने पुष्करचे तर पुष्करने मेघाला निवडले. ज्यावरून मेघावर सई आणि पुष्कर नाराज होणार आहेत. कारण मेघाने शर्मिष्ठाचे नाव घेतले. पण, यावर मेघाचे म्हणणे असणार आहे पुष्कर आणि सई माझं नाव कधीच घेत नाही आणि हि गोष्ट मेघाने शर्मिष्ठा जवळ शेअर केली जी तिला देखील पटली. 

रेशम बिग बॉस मराठीच्या घरामध्ये जाणारी पहिली स्पर्धक होती. ती या घरामध्ये ९० दिवस राहिली. तिच्या या घरामधील प्रवासामध्ये बरीच वळण आली, बऱ्याच घटना घडल्या, आव्हानं तिच्यासमोर आली पण तिने सगळ्या परिस्थितींवर मात केली. पहिल्या दिवसापासून रेशम टिपणीस चर्चेमध्ये राहिली. मग कुठल्या टास्कमुळे असो वा सई आणि मेघा मध्ये असलेल्या भांडणामुळे. रेशम, आस्ताद, सुशांत, भूषण,स्मिता यांच्यामधील मैत्री नेहेमीच चर्चेमध्ये राहिली. परंतु या आठवड्यामध्ये तिला बाहेर जावे लागले. रेशम टिपणीस या आठवड्यामध्ये बिग बॉस मराठीच्या घरामधून बाहेर पडली. रेशम टिपणीसला बिग बॉस यांनी एक खास अधिकार दिला ज्यानुसार कोणत्याही एका सदस्याला ती नॉमिनेशन पासून वाचवू शकते आणि रेशम हिने आस्ताद काळेला सुरक्षित केले. आणि म्हणूनच आस्ताद बिग बॉस मराठीच्या पहिल्या पर्वाच्या अंतिमफेरीमध्ये पोहचणारा दुसरा स्पर्धक ठरला.

GRAND FINALE ला फक्त पाच स्पर्धक असणार आहेत त्यामुळे येत्या आठवड्यामध्ये अजून एक नॉमिनेशन होणार असे महेश मांजरेकर यांनी घोषित केले. या घरामध्ये आता येत्या आठवड्यामध्ये कोणता टास्क मिळेल ? काय घडणार ? हे बघणे रंजक असणार आहे. 

बिग बॉस मराठीचा हा आठवडा पुष्कर, मेघा, सई यांच्या ग्रुपसाठी थोडा तणावाचा आणि वाद विवादांचा ठरला. पुष्कर आणि सई यांनी मेघावर असलेली नाराजगी व्यक्त केली. पुष्कर, सई, रेशम, आस्ताद, नंदकिशोर हे सगळेच मेघा विरोधात आले. काल सर्व सदस्यांना एकमेकांबद्दल जे काही वाटते ते एका पत्राद्वारे लिहायचे होते. ज्यामध्ये पुष्करने देखील मेघासाठी प्र लिहिले होते. जे आज पुष्कर सईला सांगणार आहे. आज पुष्करने सई आणि मेघा जवळ त्याच्या भावना व्यक्त केल्या. ती त्या दोघींवर प्रेम करतो. मेघाचा तो खूप रीसपेक्ट करतो जे काही मागील दिवसामध्ये झाले ते मी विसरून आता पुढे जायला तयार आहे. तुम्ही दोघी मला सोडून नका जाऊ असं म्हणतं पुष्कर खूपच भाऊक झाला. तेंव्हा आज हे तिघे परत एकत्र येणार.

बिग बॉस मराठीच्या घरामध्ये बरेच वाद विवाद होत आहेत. ज्यामध्ये पुष्कर,मेघा आणि सई यांच्यातील वाद आता चर्चेचा विषय बनला आहे. मेघाने काल सईशी आणि शर्मिष्ठाशी बोलताना हे देखील स्पष्ट केले कि, आता पुष्कर आणि तिच्यातील मैत्री परत पहिल्यासारखी होऊ शकत नाही. तसेच काल“घरोघरी मातीच्या चुली” या कार्यामध्ये घरातील सदस्यांनी बरेच हिरे देखील पटकावले. आज कॅप्टनसीच्या उमेदवारीसाठी मेघा, शर्मिष्ठा, स्मिता आणि नंदकिशोर मध्ये वाद होणार आहेत. नंदकिशोर यांचे म्हणणे असणार आहे कि, मेघा आणि शर्मिष्ठा दिलेला टास्क नीट खेळल्या नाही. मेघाला आज आस्ताद, रेशम, पुष्कर, सई यांच्या रागाला सामोरं जावं लागणार आहे. मेघाने जे काही पुष्करसोबत केले ते चुकीचे आणि माणुसकीला सोडून होते असे त्यांचे म्हणणे असणार आहे.

आज घरामध्ये कॅप्टनसीच्या निवडीचे कार्य पार पडणार आहे. महेश मांजरेकर यांनी दर आठवड्याला या घरामध्ये स्पर्धेबरोबरच खेळाडूवृत्ती देखील तितकीच महत्वाची आहे असे नेहेमीच नमूद केले आहे. म्हणून या आठवड्याचे कॅप्टनसीचे कार्य महेश मांजरेकर यांनी आखून दिले आहे. आज घरामध्ये हटके पद्धतीने पूल वॉलीबॉल खेळण्यात येणार आहे. या कार्यानिमित्त घरातील सदस्यांची चार टीम्समध्ये विभागणी करण्यात येणार आहे. तेंव्हा आता बिग बॉस मराठीच्या घराचा नवा कॅप्टन कोण बनेल हे बघणे रंजक असणार आहे.